Udhëheqësit e industrisë së automobilave kundërshtuan të enjten propozimin e administratës Trump për të rritur në mënyrë dramatike tarifat për importin e automjeteve nga BE.

Drejtuesit e industrisë, paralajmëruan për dëmin që do të shkaktojnë tarifat e reja në një seance dyditore të mbajtur nga Departamenti i Tregtisë i SHBA. Ata thanë se tarifat e reja do të dëmtonin vendet e punës në Shtetet e Bashkuara, do të rrisin çmimet për konsumatorët dhe do të ftojnë Bashkimin Evropian që të hakmerret me taksat e importit ndaj produkteve amerikane, përcjell arbresh.info.

“Ne jemi sektori kryesor i eksportit në ekonominë amerikane”, tha ish-guvernatori i Missouri Matt Blunt, i cili aktualisht është president i Këshillit të Politikave të Automobilistikes Amerikane, duke shtuar se çdo vit Kina dhe Evropa marrin rreth 250,000 automjete të prodhuara në SHBA.

“Ky është një numër që mund të rritet,” tha ai.

Prodhuesi japonez i automobilave, Toyota, tha se punonjësit e 10 prej uzinave të montimit të saj në SHBA po protestonin kundër tarifave në Uashington, D.C.

Toyota eksporton tetë nga modelet e saj të prodhuara nga SHBA në 31 vende.

SHBA aktualisht imponon një tarife prej 2.5 për qind për makinat e importuara nga Evropa. Presidenti Donald Trump ka thënë se dëshiron ta ngrejë atë në 20 për qind. Tani ekziston një tarifë prej 25 për qind në kamionët e importuare që daton disa dekada.

Administrata ka justifikuar ngritjen e ndëshkimeve tatimore duke u thirrur në Seksionin 232 të Aktit të Zgjerimit të Tregtisë të vitit 1962, i cili i jep administratës aftësinë për të hetuar efektin e mundshëm të importeve në sigurinë kombëtare dhe për të frenuar ato që paraqesin kërcënim.

Përdorimi i sigurisë kombëtare për të penalizuar importet e automobilave është shumë e pazakontë, por Sekretari i Tregtisë Wilbur Ross ka thënë se siguria kombëtare është e lidhur me sigurinë ekonomike të SHBA.

Ross tutje shtoi se është “shumë herët” për të përcaktuar nëse SHBA do të rrisë tarifat.

Zyrtarët e Departamentit të Tregtisë shprehën disa shqetësime rreth deficitit tregtar të automjeteve me rreth 32 miliardë dollarë në vend, që do të thotë se amerikanët blejnë 32 miliardë dollarë më shumë në makinat evropiane sesa prodhuesit e automjeteve amerikane u shesin konsumatorëve të BE. Administrata Trump ka vendosur tashmë tarifat në miliarda dollarë të importeve nga Kina, duke përfshirë automjetet dhe pjesët.

Zyrtarët nga sindikata e Punëtorëve të Bashkuar dëshmuan se një “hetim gjithëpërfshirës” në deficitin tregtar të SHBA me vendet e tjera “është vonuar shumë” dhe tha se tregtia ka dëmtuar punëtorët amerikanë në shumë mënyra gjatë dekadave të fundit.

Analistët e industrisë nga Qendra për Hulumtime Automobilistike thanë në një letër së fundmi se tarifat mbi importet amerikane të automjeteve dhe pjesëve të automobilave do të rrisin çmimet e të gjitha automjeteve të reja nga 455 dollarë në 6.875 dollarë secila “, varësisht nga niveli i tarifës ose kuotës ku automjeti është montuar, dhe nëse politika ofron përjashtime për tregtinë e automobilave me Kanada dhe Meksikë “.

Disa prodhues të huaj nga Japonia, Gjermania dhe vende të tjera, kanë fabrikat e tyre të montimit në SHBA ku automjetet bëhen si për tregun e SHBA-së ashtu dhe për eksport në vende të tjera./Arbresh.info